Canon多項新設計註冊幾得意
Canon近日註冊咗多項個新產品設計，包括可變弧度感光元件同新鏡頭。當中比較特別當然係該塊感光元件，但筆者就認為兩另有兩支鏡頭都值得大家留意。
先講講呢個可變弧度感光元件，大家都知道無反鏡頭設計上有個比較大嘅困難，就係較短焦距嘅鏡頭好難做到影像聚焦喺一個平面上。另一方面如果聚焦時射入感光元件角度太斜，亦會影響感光效能。近日唔少品牌就註冊咗曲面感光元件設計，主要都係為咗解決以上問題。不過單一曲面設計問題又嚟喇，就係其實唔同焦距甚至唔同焦距嘅鏡頭聚焦面嘅弧度都唔同，所以單一弧度嘅感光元件如果用喺可換鏡頭嘅相機上面，廠方可能又要反過來特地將冇必要嘅鏡頭設計成斜射聚焦。而Canon呢個可變弧度感光元件設計，就可以根據需要改變弧度，咁鏡頭設計就更加有彈性啦！
另外幾支鏡頭當中有兩支比較值得大家留意，一支係135mm f/2，另一支就係18~105mm f/4~5.6，前者擁有類似Sony STF鏡頭嘅設計，令散景有更柔順嘅效果。而18~105mm嘅一支就有內置Wide Convertor鏡組，可以將鏡頭變成15mm焦距，似乎幾吸引咁喎～
Search